ეგვიპტის ქალაქ ჰურგადაში მიმდინარე M15-ის კატეგორიის ტურნირზე, ორივე ქართველი ჩოგბურთელი, ალექსანდრე ბაკში და ზურაბ ტყემალაძე, 1/2 ფინალურ ეტაპზე დამარცხდა.
პირველ ნახევარფინალურ შეხვედრაში, ბაკში 18 წლის შვეიცარიელ ნიკოლა ჯოშიჩთან 3 სეტში დამარცხდა - 6:1; 2:6; 5:7.
მეორე ნახევარფინალში კი ზურაბ ტყემალაძე 25 წლის სერბ მარკო მლადინოვიჩს დაუპირისპირდა და მანაც 3-სეტიან ბრძოლაში წააგო - 5:7; 6:2; 4:6.
იყო შანსი, რომ ჰურგადას ტურნირზე ქართული ფინალი შემდგარიყო, თუმცა ის საერთოდ ქართველის გარეშე ჩაივლის.
