საქართველოს ეროვნული ნაკრები უეფას ერთა ლიგაზე ნოემბერში ორ შეხვედრას გამართავს.
14 ნოემბერს საქართველოს ნაკრები თბილისში, მიხეილ მესხის სახელობის სტადიონზე უნგრეთს უმასპინძლებს, ხოლო 17 ნოემბერს უკრაინას სლოვაკეთის ქალაქ კოშიცეში შეხვდება.
ამ მატჩებისთვის საქართველოს ნაკრების მთავარმა მწვრთნელმა, რამაზ სვანაძემ, 26 ფეხბურთელი გამოიძახა. მათ შორის 3 დებიუტანტია - დინამო ბათუმის მეკარე ნოდარ ყალიჩავა, უკრაინული პოლისიას მცველი გიორგი მაისურაძე და სლოვაკური ტრნავის სპარტაკის ნახევარმცველი გიორგი მოისწრაფიშვილი.
მეკარეები: გიორგი მამარდაშვილი (ლივერპული), ლუკა გუგეშაშვილი (გიოზთეფე), ნოდარ ყალიჩავა (დინამო ბათუმი)
დაცვა: საბა გოგლიჩიძე (მონცა), საბა საზონოვი (ხეტაფე), ივა გელაშვილი (კლუჟი), ლუკა ლოჩოშვილი (კიოლნი), ლაშა დვალი (ცსკა 1948), ჯემალ ტაბიძე (კაისერისპორი), ოთარ კაკაბაძე (კრაკოვია), გიორგი მაისურაძე (პოლისია), ირაკლი აზაროვი (შახტარი)
ნახევარდაცვა/თავდასხმა: ანზორ მექვაბიშვილი (ჩიკაგო ფაიერი), გიორგი ქოჩორაშვილი (სევილია), ნოდარ ლომინაძე (ტორპედო), სანდრო ალთუნაშვილი (დინამო ბათუმი), გიორგი მოისწრაფიშვილი (სპარტაკ ტრნავა), ირაკლი ეგოიანი (ექსელსიორი), გიორგი ჩაკვეტაძე (უდინეზე), ზურიკო დავითაშვილი (სენტ-ეტიენი), გიორგი წიტაიშვილი (რაიო ვალეკანო), გიორგი გულიაშვილი (რასინგი), გიორგი კვერნაძე (ფროზინონე), ბუდუ ზივზივაძე (ჰაიდენჰაიმი), გიორგი მიქაუტაძე (ვილიარეალი), გიორგი გაგუა (დუნაისკა სტრედა)
ეროვნულ გუნდს ტრავმების გამო ხვიჩა კვარაცხელია, ოთარ კიტეიშვილი და გიზი მამაგეიშვილი ვერ დაეხმარებიან.
