უეფას კონფერენს ლიგის მე-3 ტურში კოპენჰაგენთან მატჩის წინ გამართულ პრესკონფერენციაზე იბერია 1999-ის კაპიტანმა, ჯემალ-გიორგი ჯინკოლავამ adjarabet arena-ს კითხვებს უპასუხა.
მცირე ტრავმაზე
მცირე ტრავმა მქონდა კუნთთან დაკავშირებით, მაგრამ ხვალისთვის მზად ვარ და ვეცდები, რომ კარგი მატჩი ჩავატაროთ და თამაში ჩვენთვის დადებითად დამთავრდეს.
პირველი მატჩების შემდეგ ფსიქოლოგიურ მზადყოფნაზე
ფსიქოლოგიურად პირველი ტური ყოველთვის რთული არის ხოლმე, რაც აისახა თამაშის ხარისხზეც. მეორე ტური პირველთან შედარებით უკეთესი იყო და ვთვლი, რომ უნდა მოგვეგო, მაგრამ ბოლო წუთზე დასანანი გოლი მივიღეთ. ფეხბურთში ხდება ყველაფერი, მაგრამ ვთვლი, რომ თამაშიდან თამაშამდე ფსიქოლოგიურად გამოვსწორდით და პროგრესირებს გუნდი.
ხვალ, რა თქმა უნდა, უფრო რთული მეტოქე გველის წინა ორ გუნდთან შედარებით, ძალიან კარგი გუნდი არის და განსაკუთრებით მინდა ხაზი გავუსვა აქაურ ატმოსფეროსა და სტადიონს. ვიცით, რომ სახლის თამაში დიდი ხანია არ წაუგია კოპენჰაგენს და საკუთარ კედლებში კარგად გამოიყურებიან, მაგრამ ჩვენს მაქსიმუმს გავაკეთებთ, რომ ხვალინდელი მატჩი ჩვენთვის დადებითად დასრულდეს.
კოპენჰაგენისა და იბერია 1999-ის მატჩი 5 ნოემბერს, 23:55 საათზე დაიწყება.
,,ყველაფერს გავაკეთებთ, რომ ქართველი ხალხი გავახაროთ" - კორღალიძე კოპენჰაგენთან მატჩამდე
