ბარსელონა ისტორიის დაწერას აგრძელებს: 3 რეკორდი, რომელიც შესაძლოა სეზონის ბოლომდე მოიხსნას
ლა ლიგის ტიტულის მოპოვების მიუხედავად, ჰანსი ფლიკის გუნდი ტემპის დაგდებას არ აპირებს. დარჩენილ სამ ტურში კატალონიელებს შანსი აქვთ, საკუთარი სახელი ისტორიის წიგნებში კიდევ უფრო მყარად ჩაწერონ.
რა რეკორდებზეა საუბარი?
100-ქულიანი ზღვარი: ამჟამად ბარსელონას 91 ქულა აქვს. თუ ისინი დარჩენილ სამივე მატჩს მოიგებენ, მიაღწევენ ისტორიულ 100-ქულიან ნიშნულს. ეს შედეგი ესპანეთის ჩემპიონატის ისტორიაში აქამდე მხოლოდ ორჯერ დაფიქსირდა (რეალი 2012-ში და ბარსელონა 2013-ში).
სარეკორდო სერია: ბარსელონამ ზედიზედ 56 მატჩში მოახერხა მეტოქის კარის აღება. აბსოლუტური რეკორდი 63 მატჩს შეადგენს და ფლიკის გუნდი ამ მაჩვენებელს ნელ-ნელა უახლოვდება.
დომინაცია რეალზე: ელ კლასიკოში გამარჯვების შემდეგ, ბარსელონა მადრიდის რეალს ისტორიული ურთიერთშეხვედრების რაოდენობით გაუთანაბრდა (ორივეს 106 მოგება აქვს). გარდა ამისა, მათ აქვთ შანსი, დაამყარონ კლუბის რეკორდი და რეალს სეზონის ბოლოს 19-ქულიანი სხვაობით გაუსწრონ.
ასევე, კატალონიელები შთამბეჭდავ საშინაო სერიას აგრძელებენ - რეალ ბეტისის დამარცხების შემთხვევაში, ისინი საკუთარ მოედანზე ზედიზედ მე-18 გამარჯვებას ჩაიწერენ აქტივში.
