ჩეხეთის ქალაქ ოსტრავაში, 19-წლამდე მოკრივეთა შორის, ევროპის ჩემპიონატი გადამწყვეტ ფაზაში შედის. ოქროს მედლისთვის ბრძოლას 5 ქართველი აგრძელებს.
აკაკი ბასარიამ (70 კგ.) და ლუკა ჩხიკვაძემ (60 კგ.) ფინალის საგზური გუშინ მოიპოვეს, დღეს კი რინგზე ამისთვის კიდევ 3 ქართველი - დავით მხეცაძე (80 კგ.), ელნურ აბდულაევი (75 კგ.) და ზუკა ჭოჭუა (65 კგ.) იბრძოლებს.
საქართველოს ნაკრები მიმდინარე შეჯიბრებაზე 10 სპორტსმენით იყო წარმოდგენილი და ასპარეზობას, ყველა ვარიანტში, 5 მედლით დაასრულებს - მათი სინჯები დღევანდელი 1/2 ფინალებისა და ხვალ გასამართი ფინალების შედეგად გაირკვევა.
