გიორგი ჩაკვეტაძე უოტფორდის განაცხადში თითქმის 8-თვიანი პაუზის შემდეგ დაბრუნდა.
მისი გუნდი, ინგლისის ჩემპიონშიფის მე-17 ტურის ეგიდით, პრესტონს შინ ხვდება, ჩაკვე სათადარიგოთა სკამზეა.
უოტფორდის X-ის ოფიციალურმა გვერდმა ქართველს სპეციალური პოსტიც მიუძღვნა წარწერით: "Chak is back".
გიორგის 5 აპრილის შემდეგ აღარ უთამაშია. მას შემდეგ გუნდს ახალი მთავარი მწვრთნელი ჰყავს - ესპანელი ხავი გრასია.
ჩემპიონშიფის 16 ტურის შემდეგ, უოტფორდს 23 ქულა აქვს და მე-11 ადგილზე იმყოფება, თუმცა სამეულს მხოლოდ 4 ქულით ჩამორჩება. დღევანდელი მეტოქე პრესტონი მე-5 ადგილზეა და ჩაკვეს გუნდს 3 ქულით უსწრებს.
