გიორგი ჩაკვეტაძე, თითქმის 8-თვიანი პაუზის შემდეგ, მოედანს დაუბრუნდა. ინგლისის ჩემპიონშიფის მე-17 ტურში პრესტონთან ცვლილებაზე ითამაშა.
ქართველ ნახევარმცველს ბოლო მატჩი 5 აპრილს ჰქონდა ჩატარებული, დღეს კი მინდორზე ბოლო 16 წუთი გაატარა.
რამდენიმე დღის წინ, უოტფორდის პრეზიდენტმა, სკოტ დაქსბერიმ განაცხადა: "ჩვენ ხავის (მთავარი მწვრთნელი) ვუთხარით, რომ ზამთარში შევინარჩუნებთ ყველა იმ ფეხბურთელს, რომელიც მას სურს, მათ შორის, ლუსასა და ჩაკვეტაძეს. გვჭირდება ყველა ის მოთამაშე, რომლებიც მიზნის მიღწევაში დაგვეხმარებიან".
უოტფორდმა პრესტონთან 1:1 ითამაშა, 24 ქულა მოაგროვა და ცხრილის მე-12 ადგილზეა - სამეულთან სხვაობა 6 ქულაა. 1-ელ დეკემბერს, ასევე 24-ქულიან ბირმინგემს სტუმრად შეხვდებიან.
