აგენტს შეხვდნენ - ინტერი დიბუ მარტინესის ტრანსფერზე მუშაობს

მილანის ინტერი იან ზომერის შემცვლელს აქტიურად ეძებს და, ემილიანო მარტინესის სახით, პრიორიტეტული კანდიდატი ჰყავს.

Sky Sport Italia-ს ინფორმაციით, ნერაძურის წარმომადგენლები არგენტინელი მეკარის ძმასა და აგენტს, ალეხანდრო მარტინესს შეხვდნენ და პოტენციური ტრანსფერისთვის სამოქმედო სივრცეები განიხილეს. გარდა ამისა, ფეხბურთელს 4 მლნ ევროს ოდენობის წლიური ხელფასი შესთავაზეს.

აღსანიშნავია, რომ მილანურ გრანდს მარტინესის გადაყვანა ივნისიდან სურს, იქამდე კი მის კარს კვლავ 37 წლის ზომერი დაიცავს.

33 წლის მსოფლიო ჩემპიონს ასტონ ვილასთან კონტრაქტი 2029 წლის ზაფხულამდე აკავშირებს, თუმცა მისი შესაძლო წასვლის შესახებ გასულ ზაფხულსაც კი იწერებოდა.

ემილიანო მარტინესი ბირმინგემული კლუბის შემადგენლობაში 2020 წლის სექტემბრიდან თამაშობს - 233 შეხვედრა ჩაატარა და კარი მშრალად 76 მათგანში შეინახა.