ფიფა მუშაობს ისეთი წესის შემუშავებაზე, რომელიც VAR-ს მსოფლიო ჩემპიონატზე დამატებით უფლებებს შესძენს.
ორგანიზაციის მაღალჩინოსნები ითხოვენ, რომ ვიდეორეფერის თამაშის უფრო წვრილ ასპექტებშიც შეეძლოს ჩარევა - მაგალითად, არასწორად დანიშნულ კუთხურზე, ან მეორე ყვითელი ბარათის გადახედვაზე - დღევანდელი წესით, VAR-ს მხოლოდ პოტენციური საწითლე, ან საჯარიმოს ფარგლებში მომხდარ ჯარიმებში შეუძლია ჩარევა - მეორე ყვითელი ბარათი, ან თუნდაც არასწორად დანიშნული ჯარიმა, ამჟამად განხილვას არ ექვემდებარება.
ფიფას სურს, რომ მოახლოვებულ მუნდიალზე მსაჯების გადაწყვეტილებები მაქსიმალურად სამართლიანი და ზუსტი იყოს.
The Times წერს, რომ ამჟამად მიმდინარე არაბული სახელმწიფოების თასზე იტესტება ახალი წესი, რომელიც მიმართულია იმ ფეხბურთელებთან ბრძოლაზე, ვინც დროის გაწელვის მიზნით ტრავმებს იმიზეზებს.
კერძოდ კი, ფეხბურთელი, რომელსაც სამედიცინო დახმარება დასჭირდება, იძულებული ხდება მოედანი ორი წუთით დატოვოს, თუ მასზე დაჯარიმების შემდეგ მეტოქეს ყვითელი ან წითელი ბარათი არ მიუღია.
