ამერიკის ღია პირველობაზე პირველი ფინალისტი გაირკვა.
პირველ ნახევარფინალურ მატჩში ერთმანეთს ნოვაკ ჯოკოვიჩი და კარლოს ალკარასი დაუპირისპირდნენ. მატჩში ესპანელმა გამარჯვება 3 სეტში (6-4, 7-6, 6-2) მოახერხა და US Open-ის მიმდინარე გათამაშების პირველი ფინალისტი გახდა.
კარლოს ალკარასმა ნოვაკ ჯოკოვიჩი ჰარდის საფარზე კარიერაში პირველად დაამარცხა. ესპანელი ამერიკის ღია პირველობის ფინალში სამი წლის შემდეგ დაბრუნდა. 2022 წელს მან გრანდ სლემის მოგება მოახერხა.
22 წლის ალკარასი გრანდ სლემის ფინალში კარიერაში მეშვიდედ გავიდა. ამაზე უკეთესი შედეგი 23 წლამდე ბიორნ ბორგსა და რაფაელ ნადალს ჰქონდათ (8 ფინალი).
ესპანელმა ფინალის გზაზე ოპელკა, ბელუჩი, დარდერი, რინდერკნეში, ლეჰეჩკა და ჯოკოვიჩი დაამარცხა, ეს კი სეტის წაუგებლად მოახერხა. ალკარასმა ბოლო 37-დან 36-ე მატჩი მოიგო და 2025 წელს მე-3 გრანდ სლემის ფინალში გავიდა.
US Open-ის ფინალში მისი მეტოქე იანიკ სინერსა და ფელიქს ოჟე-ალიასიმს შორის გამარჯვებული იქნება.
