VIDEO: სენსაცია პარიზში - ალკარასმა ნორისთან წააგო

ჩოგბურთში სტარტი აიღო პარიზის 1000-ქულიანმა მასტერსმა და ტურნირზე უკვე პირველი დიდი ხმაურიანი შედეგიც დაფიქსირდა.

1/16 ფინალში ერთმანეთს მსოფლიო რეიტინგის პირველი ნომერი, კარლოს ალკარასი და 31-ე ნომერი კამერონ ნორი დაუპირისპირდნენ.

თამაშის პირველი სეტი ესპანელის გამარჯვებით დასრულდა, თუმცა ბრიტანელმა შეხვედრის მოტრიალება შეძლო და მეტოქე 3 სეტში (6-4, 3-6, 4-6) დაამარცხა.

ამ მარცხით ესპანელისთვის 1000-ქულიან ტურნირებზე 17-მატჩიანი მოგებათა სერია დასრულდა. ალკარასისთვის წარმატებული არც შარშანდელი პარიზის მასტერსი აღმოჩნდა, მაშნ კარლოსი ტუნრირს მე-3 რაუნდში გამოეთიშა, ახლა კი - მეორეში.

კამერონ ნორი კი მომდევნო ეტაპზე რინდერკნეშსა და ვაშეროს შორის გამარჯვებულს დაუპირისპირდება.