მან იუნაიტედის მწვრტნელმა, რუბენ ამორიმმა აღნიშნა, რომ მისი გუნდი სტანდარტების შესრულებაზე პრემიერ ლიგის სხვა გუნდების მაგალითზე ვარჯიშობს.
კვირას მანჩესტერმა პრემიერ ლიგის მე-13 ტურში კრისტალ პალასი 2:1 დაამარცხა.
„სამუშაოდ მეტი დრო გაგვიჩნდა და ბევრს ვმუშაობთ. ვფიქრობ, რაღაც დოზით ასეთ ტემპში მუშაობას უკვე მივეჩვიეთ კიდეც. პრემიერ ლიგაში ყოფნისას, სხვა გუნდებისგანაც ბევრს სწავლობ და ჩვენც სხვებისგან ვიპარავთ გოლის გატანის იდეებს.
ფეხბურთელებს ვუთხარი, რომ სტანდარტებზე უფრო აქტიურები უნდა იყვნენ და ალბათ, ეს თქვენც შეამჩნიეთ. როცა უფრო აქტიური ხარ, ბურთთან მიღწევის მეტი შანსიც გეძლევა.
თუმცა, ასევე უნდა ვხვდებოდეთ იმასაც, რომ მეორე ტაიმში მეტოქე ბევრად უფრო დაღლილია. როცა ტემპს ზრდი, მეტოქე კიდევ უფრო იღლება და გოლს უშვებს. სწორედ მაშინ გრძნობ, რომ თამაშს აკონტროლებ." - აღნიშნა ამორიმმა.
