კარლო ანჩელოტიმ მადრიდის რეალის დატოვებასა და ბრაზილიის ნაკრებში წასვლაზე ისაუბრა.
26 მაისიდან იტალიელი ბრაზილიის ნაკრებში დაიწყებს საქმიანობას.
„ყოველთვის ვიცოდი, რომ ადრე თუ გვიან ყველაფერი მთავრდება. დიდებული დრო იყო, მაგრამ ყველაფერს აქვს თავისი დასასრული. ფეხბურთი ცხოვრებას ჰგავს - როცა რაღაც მთავრდება, იწყება რაღაც ახალი.
26 რიცხვი - ჩემთვის კიდევ ერთი გამოწვევაა. ამ კლუბთან არასდროს არ მქონია და არც მექნება რაიმე სახის პრობლემა. ეს ყველაფერი ოდესმე აუცილებლად უნდა დამთავრებულიყო.
იმედგაცრუებას არ ვგრძნობ. აქ მოსვლის დღეს ჩემთვის რომ ეთქვათ, რომ 4 წელიწადში 11 ტიტულს მოვიგებდი, საკუთარი სისხლით მოვაწერდი ხელს. ეს დაუვიწყარი იყო და მთელი ცხოვრება მემახსოვრება.
26 რიცხვიდან ბრაზილიის ნაკრებს გავწვრთნი. მნიშვნელოვანი გამოწვევაა ჩემთვის, თუმცა იქამდე რეალის დიდებული თავგადასავლის კარგად დასრულება მინდა. ვიცი, გაინტერესებთ, რას ვფიქრობ და რის გაკეთებას ვაპირებ. თუმცა, ახლა ჯერ მადრიდის მწვრთნელი ვარ და მინდა, კლუბში ბოლო დღეები სიამოვნებით ვიცხოვრო. ამ კლუბს და გულშემატკივრებს პატივს ვცემ.
ჩემი წასვლის გადაწყვეტილება ორმხრივად იქნა მიღებული. კლუბი ოფიციალურ განცხადებას მაშინ გააკეთებს, როცა მოისურვებს, არანაირი პრობლემა არ არის. კონტაქტზე ვართ და ეს სრულიად პირადული ამბავია." - აღნიშნა იტალიელმა მალიორკასთან მატჩის წინა პრესკონფერენციაზე.
