არგენტინის ფეხბურთის ასოციაციამ ოფიციალურად უარყო მადრიდში თამაშის ვარიანტი და მოითხოვს ყველა სხვა შესაძლო ლოკაციის განხილვას, რათა ფინალისიმა ნეიტრალურ მოედანზე ჩატარდეს.
სანტიაგო ბერნაბეუ იყო ვარიანტი, რომელიც უეფამ და ესპანეთის ფეხბურთის სამეფო ფედერაციამ შესთავაზეს, რათა არ ყოფილიყვნენ დამოკიდებულნი იტალიისა თუ პორტუგალიის ვარიანტებზე.
მანამდე გავრცელდა ინფორმაცია, რომ არგენტინისა და ესპანეთის მატჩი შესაძლოა სანტიაგო ბერნაბეუს სტადიონზე გამართულიყო. თავდაპირველი გეგმით, შეხვედრა 27 მარტს დოჰაში უნდა ჩატარებულიყო, თუმცა ახლო აღმოსავლეთში არსებული ვითარების გამო, მისი გადატანა გადაწყდა.
ჟურნალისტი გასტონ ედული იუწყება, რომ მატჩის ბერნაბეუზე ჩატარების იდეა უეფამ წამოაყენა. თუმცა, არგენტინის ფეხბურთის ასოციაციამ (AFA) ეს ვარიანტი უარყო. უახლოეს მომავალში კონმებოლი ოფიციალურად აცნობებს ამ გადაწყვეტილებას ევროპული ფეხბურთის მმართველ ორგანოს.
ამ ეტაპზე ყველაზე აქტიურად პორტუგალიის და იტალიის ვარიანტები განიხილება.
