აკაკი ბასარიას შემდეგ, ჩეხეთში მიმდინარე კრივის 19-წლამდე ევროპის ჩემპიონატზე, ფინალის საგზური ლუკა ჩხიკვაძემ მოიპოვა.
60 კგ. წონით კატეგორიაში, ჩხიკვაძემ აზარბაიჯანელი სუბჰან ბაბაევი დაამარცხა და კონტინენტის პირველობის ჩემპიონის სტატუსისთვის ერთი ბრძოლის მოგება სჭირდება.
ხვალ, 8 ოქტომბერს, ფინალში გასასვლელად კიდევ 3 ქართველი იბრძოლებს - დავით მხეცაძე (80 კგ.), ელნურ აბდულაევი (75 კგ.) და ზუკა ჭოჭუა (65 კგ.).
ჩეხეთის ქალაქ ოსტრავაში მიმდინარე შეჯიბრება 9 ოქტომბერს, ფინალური ბრძოლებით დასრულდება.
ფოტო: საქართველოს კრივის ეროვნული ფედერაცია
