საფეხბურთო სატრანსფერო მიმომხილველის, ნიკოლო სკირას ინფორმაციით, ხვიჩა კვარაცხელია პარი სენ-ჟერმენთან კონტრაქტის გახანგრძლივებასთან ახლოს არის.
წყაროს ცნობით, ახალი ხელშეკრულება 2031 წლამდე იქნება გათვლილი (დამატებით ერთი წლით გაგრძელების პერსპექტივით) და ქართველი შემტევის ხელფასი მნიშვნელოვნად გაიზრდება.
არსენალი შეტევის ხაზის გაძლიერების მიზნით კვარაცხელიას რამდენიმე თვის განმავლობაში აკვირდებოდა. მართალია, ზაფხულში არსენალმა მარცხენა ფლანგზე ბრიუგედან ქრისტოს ცოლისი დაიმატა, თუმცა მიკელ არტეტას გუნდი 2027 წლისთვის ამ პოზიციაზე კიდევ ერთი მოთამაშის შეძენას გეგმავს.
მიუხედავად იმისა, რომ კვარაცხელიას ტრანსფერი თავიდანვე ნაკლებად რეალისტურად მიიჩნეოდა, ლონდონელები მის კანდიდატურას აქტიურად განიხილავდნენ.
აღსანიშნავია, რომ მიმდინარე წელს ფეხბურთელის მამამაც დაადასტურა არსენალისა და სხვა ინგლისური კლუბების ინტერესი, თუმცა განაცხადა, რომ ხვიჩა მსგავს ჭორებს ყურადღებას არ აქცევს, პარიზულ გუნდში თავს ბედნიერად გრძნობს და კლუბის შეცვლაზე არ ფიქრობს.