„არცერთ პრეზიდენტს აქამდე ეს სიტყვები არ უთქვამს“, — ტრამპმა მესის უმასპინძლა

აშშ-ის 47-ე პრეზიდენტმა, დონალდ ტრამპმა, თეთრ სახლში ინტერ მაიამის ფეხბურთელებს უმასპინძლა, რომლებმაც 2025 წლის ნოემბერში MLS-ის თასი პირველად მოიგეს.

ეს ლიონელ მესის პირველი ოფიციალური ვიზიტი იყო აშშ-ის პრეზიდენტის რეზიდენციაში.

საზეიმო მიღებაზე პრეზიდენტმა ტრამპმა ხაზი გაუსვა ამ მოვლენის განსაკუთრებულობას:

ჩემი პრივილეგიაა ვთქვა ის, რაც აქამდე აშშ-ის არცერთ პრეზიდენტს არ უთქვამს: კეთილი იყოს შენი მობრძანება თეთრ სახლში, ლიონელ მესი.

ტრამპმა იუმორით გაიხსენა შვილთან საუბარიც: 

ჩემმა შვილმა მკითხა: მამა, იცი ვინ მოდის თეთრ სახლში? მე ვუპასუხე, რომ ძალიან ბევრი საქმე მაქვს და არ ვიცი. მან კი მითხრა: მესი! ის შენი დიდი ფანია და დიდ პიროვნებად მიგიჩნევს. მადლობა, რომ მოხვედი.

პრეზიდენტმა მესისთან ერთად მისი მთავარი კონკურენტიც ახსენა: 

ჩემი შვილი სოკერის დიდი ფანია. მესის და ჯენტლმენის, სახელად რონალდუს დიდი გულშემატკივარია. ორი დიდი ჩემპიონი, დიადი სპორტსმენი. ადამიანები, რომლებსაც უყვართ ის საქმე, რომელსაც აკეთებენ.