ასეთი საქართველო რა სანახავია?! - როგორ მოვიგეთ უმნიშვნელოვანესი მატჩი პორტუგალიაში

საქართველოს ნაკრებმა, 2027 წლის მსოფლიო ჩემპიონატის საკვალიფიკაციო ეტაპის მეორე რაუნდის ჯგუფში, პორტუგალიის ნაკრები სტუმრად 8-ქულიანი სხვაობით დაამარცხა - 98:90.

ნაკრებს კვლავ კაპიტნურად ულიდერა თორნიკე შენგელიამ, რომელმაც 26 ქულა, 6 მოხსნა, 3 ასისტი და 1 ჩაჭრა მიითვალა, ეფექტიანობის ინდექსი კი 24 ჰქონდა, რაც ჩვენს გუნდში თანასაუკეთესო შედეგი იყო - რატი ანდრონიკაშვილსაც 24 ჰქონდა, ხოლო პორტუგალიელთა მთავარ ვარსკვლავ ნეემიას კეტას გრაფაში 34-ია.

ანდრონიკაშვილმა ნაკრებში ერთ-ერთი ყველაზე კარგი თამაში ჩაატარა - 20 ქულა, 1 მოხსნა, 1 ასისტი, 4 ჩაჭრა, 1 დაფარება. 11-დან 9 ბურთი ჩააგდო.

სანდრო მამუკელაშვილმა 22 ქულა, 6 მოხსნა, 4 ასისტი, 2 ჩაჭრა ჩაიწერა აქტივში, მისმა ეფექტიანობის ინდექსმა 19-ს მიაღწია.

მარკის რიდმა ნაკრებს 13 ქულა შეჰმატა, გოგა ბითაძემ - 11, ხოლო დუდა სანაძემ - 6. სხვა არც ერთ კალათბურთელს ქულა არ ჰქონია - მერკვილაძე, ტურძილაძემ და ოჩხიკიძემ ითამაშეს.

ალეკსანდარ ჯიკიჩის გუნდს 5 მოგება და 3 მარცხი აქვს, რითაც ჯგუფის მე-3 ადგილზე იმყოფება. მსოფლიო ჩემპიონატის საგზურს სწორედ ჯგუფის საუკეთესო 3 გუნდი მიიღებს.

მომდევნო შესარჩევი მატჩები გაიმართება ნოემბერში - 26-ში საბერძნეთს სტუმრად ვხვდებით, ხოლო 29-ში პორტუგალიას თბილისში მივიღებთ.