2026 წლის მსოფლიო ჩემპიონატის პარალელურად, მწვავე სიტყვიერი დაპირისპირება მოხდა კანადის ნაკრების მთავარ მწვრთნელ ჯესი მარშსა და აშშ-ის ნაკრების ლეგენდარულ ფეხბურთელ კლინტ დემპსის შორის.
კანადის ნაკრების მწვრთნელმა, ჯესი მარშმა, მსოფლიო ჩემპიონატის გახსნითი მატჩის წინ თავისი გუნდის პატრიოტიზმის ხაზგასასმელად აღნიშნა, რომ კანადელი ფეხბურთელები ჰიმნს მთელი ხმით მღერიან, განსხვავებით აშშ-ის ნაკრებისგან, სადაც, მისი თქმით, მოთამაშეების ჰიმნის სიმღერაზე ხვეწნა უწევდათ.
აშშ-ის ნაკრების ყველა დროის საუკეთესო ბომბარდირმა კლინტ დემპსიმ ეს განცხადება მწვავედ გააკრიტიკა. Fox Sports-ის ეთერში დემპსიმ განაცხადა, რომ მარშის კომენტარს სერიოზულად ვერ აღიქვამს:
„მე ამ ქვეყნისთვის სისხლი დამიღვრია“: დემპსიმ გაიხსენა თავისი კარიერა, გატეხილი ცხვირი და ჯანმრთელობის პრობლემები, რაც ნაკრებისთვის თამაშს მოჰყვა.
დემპსიმ ასევე ხაზი გაუსვა, რომ რჩევებს არ მიიღებს ადამიანისგან, ვინც სხვა მხარეს გადავიდა და ახლა სხვა ქვეყნის ჰიმნს მღერის. მან მარშს მოუწოდა, რომ საკუთარ გუნდზე იზრუნოს და აღარ გააკრიტიკოს აშშ-ის ნაკრები.
ჯესი მარში თავად იყო აშშ-ის ნაკრების ფეხბურთელი და მწვრთნელის ასისტენტი, თუმცა ამჟამად ის ჩრდილოეთ ამერიკელი მეტოქის, კანადის ნაკრებს უძღვება. დემპსის მწვავე რეაქციამ დიდი გამოხმაურება ჰპოვა ფეხბურთის გულშემატკივრებში, სადაც აზრები ორად გაიყო - ნაწილი დემპსის პატრიოტიზმს იწონებს, ნაწილი კი მის კომენტარს ზედმეტად აგრესიულად მიიჩნევს.
