მადრიდის ატლეტიკომ ნახევარდაცვის გასაძლიერებლად სპორტინგის კაპიტნის, მორტენ ჰიულმანდის ტრანსფერი შეათანხმა.
27 წლის დანიელი ფეხბურთელი მადრიდში სამედიცინო შემოწმების გასავლელად დღესვე ჩაფრინდება.
ფაბრიციო რომანოს ინფორმაციით, ესპანური კლუბი ფიქსირებული სახით 40 მილიონ ევროს გადაიხდის, რასაც ბონუსებად კიდევ 5 მილიონი დაემატება. დანიის ნაკრების ლიდერი ახალ გუნდთან კონტრაქტს 2031 წლამდე გააფორმებს.
ჰიულმანდი ლისაბონურ კლუბში 3 წელი თამაშობდა, სადაც ორი საჩემპიონო ტიტული მოიგო. მისი ფიზიკური მონაცემები და ლიდერული თვისებები დიეგო სიმეონეს სათამაშო სტილისთვის იდეალურ შევსებად მიიჩნევა.
