ბაიერნმა და კეინმა ახალ კონტრაქტზე დაიწყეს მოლაპარაკებები

ბაიერნი ჰარი კეინთან კონტრაქტის გახანგრძლივებას გეგმავს.

ამის შესახებ გერმანელი ჟურნალისტი ფლორიან პლეტენბერგი იუწყება.

წყაროს ცნობით, მოქმედი ხელშეკრულება შესაძლოა 2028 ან 2029 წლამდე გახანგრძლივდეს. კლუბსა და ფეხბურთელს შორის პირველი მოლაპარაკებები უკვე გაიმართა, თავად კეინიც დაინტერესებულია ბაიერნში დარჩენით. აღნიშნულია, რომ მოლაპარაკებები შესაძლოა საკმაოდ სწრაფად წარიმართოს.

მიუხედავად ამისა, ბაიერნის სპორტული დირექტორები — კრისტოფ ფროინდი და მაქს ებერლი, პარალელურად გააგრძელებენ შეტევის გაძლიერების შესაძლო ვარიანტების შესწავლას, იმ შემთხვევისთვის, თუ ინგლისელი ფორვარდი მომავალში კლუბს დატოვებს. კეინის მოქმედი კონტრაქტი 2027 წლის ზაფხულამდეა გათვლილი.

მიმდინარე სეზონში ჰარი კეინი ბრწყინვალე ფორმაშია: ბუნდესლიგის 15 მატჩში 19 გოლი და 3 საგოლე გადაცემა აქვს შესრულებული და ჩემპიონატის საუკეთესო ბომბარდირია.