"მეც ძალიან მსურდა რეალში თამაში" - მათეუსმა კარლი დაიცვა

ლოთარ მათეუსი რეალში თამაშის შესახებ ლენარტ კარლის განცხადებას გამოეხმაურა.

„მგონია, რომ ძალიან კარგია, როცა ადამიანს 17 წლის ასაკშიც კი აქვს თვითრწმენა. მიზნების დასახვა არანაირად არ ნიშნავს ქედმაღლობას. მე ამას გულწრფელობად ვთვლი და არა თვითკმაყოფილ ან ამპარტავნულ დამოკიდებულებად. რეალს უბრალოდ ასეთი მისტიკა აქვს.

მსგავს მდგომარეობაშია მიუნხენის ბაიერნიც, მაგრამ ცხოვრებაში ხშირად გინდა რაღაც ახალი სცადო. ვერ იტყვი: „მთელი ცხოვრება ბაიერნში დავრჩები“, როგორც თომას მიულერმა ქნა ეს, ეს უნიკალურია. საბოლოოდ, ყველას აქვს რაღაც მიზანი გარკვეულ ეტაპზე.

მე ვფიქრობ, რომ ყველაფერი წესრიგშია. ეს აჩვენებს, რომ კარლი ამბიციურია და საკუთარი თავის სჯერა. მან კარგად იცის, რომ რეალის ყურადღების მისაქცევად ჯერ ბაიერნში გამორჩეულად კარგად უნდა ითამაშოს. მას არ უთქვამს, რომ უახლოეს ორ წელიწადში რეალში თამაში უნდა. ეს მისი ოცნებაა.

ოცნებები შეიძლება ახდეს, მაგრამ ამისთვის შრომაა საჭირო და ამით ბაიერნიც სარგებელს მიიღებს. თუ კარლი ისეთი კარგი გახდება, რომ რეალი მასზე მოლაპარაკებებს დაიწყებს, მანამდე სხვა კლუბში [ბაიერნში] რაღაც განსაკუთრებულს უნდა მიაღწიოს.

მეც ძალიან მსურდა რეალში თამაში. 1990/91 წლებში მსოფლიო წლის ფეხბურთელად დამასახელეს და უცებ რეალმა ჩემს კარზე დააკაკუნა. ძალიან მინდოდა გადასვლა, მაგრამ მაშინ ჯერ კიდევ კონტრაქტი მქონდა, ამიტომაც ტრანსფერი იმ დროს ვერ შედგა. რეალს და მე შეთანხმება გვქონდა, მაგრამ ინტერს არ სურდა ჩემი გაშვება მაღალი სატრანსფერო თანხის გამო.

მეც მქონდა ოცნებები: ყოველთვის ვამბობდი, რომ მინდოდა დიდ კლუბში მეთამაშა, ეროვნული ნაკრების ფეხბურთელი გავმხდარიყავი და მსოფლიო ჩემპიონატის შემადგენლობაში მოვხვედრილიყავი. დროთა განმავლობაში ოცნებები უბრალოდ უფრო დიდდება. ოთხი წლის წინ კარლი ალბათ იტყოდა, რომ ბუნდესლიგაში თამაში უნდოდა, სავარაუდოდ, მიუნხენის ბაიერნში.

კარლი უბრალოდ ხედავს, რა არის შესაძლებელი. ეს მხოლოდ სპორტზე არ არის დამოკიდებული. საქმე ეხება ახალს, განსხვავებულს და უკეთეს ცხოვრების ხარისხს, უკეთეს ამინდს, მსოფლიოს უდიდეს კლუბს.

ხშირად გვინახავს, რომ მსოფლიოს საუკეთესო ფეხბურთელები არა ბუნდესლიგიდან, არამედ იმ ლიგებიდან მოდიან, რომლებიც გლობალურად უფრო დიდ ყურადღებას იპყრობენ.“ - განაცხადა გერმანელმა ლეგენდამ.

ბაიერნის ფანების რისხვა — კარლმა სოციალურ ქსელში კომენტარის ფუნქცია გათიშა