სკანდალი მადრიდში: ფანები პერესის გადადგომას ითხოვენ

მადრიდის რეალის გულშემატკივრებმა ორშაბათს, ხეტაფესთან გამართული მატჩის შემდეგ, კლუბის პრეზიდენტს, ფლორენტინო პერესს, მკაცრი და პირდაპირი გზავნილი გაუგზავნეს.

ალვარო არბელოას გუნდისთვის საღამო კოშმარულად წარიმართა, სანტიაგო ბერნაბეუზე მასპინძლები მინიმალური ანგარიშით, 0:1 დამარცხდნენ.

ეს ბლანკოსისთვის ზედიზედ მეორე მარცხია, რის გამოც გუნდი გათამაშების ლიდერ ბარსელონას უკვე 4 ქულით ჩამორჩება.

როგორც გამოცემა The Athletic-ის ჟურნალისტი, გილერმო რაი იუწყება, ფინალური სასტვენის შემდეგ სტადიონზე შეკრებილი ფანების ნაწილმა მთელი პასუხისმგებლობა კლუბის პრეზიდენტს დააკისრა. გულშემატკივრები სკანდირებდნენ: „ფლორენტინო, გადადექი!“.

კრიზისული პერიოდი და სატურნირო ცხრილში ჩამორჩენა მადრიდულ პუბლიკაში უკმაყოფილებას ზრდის, რაც პრეზიდენტის მიმართ მსგავს რადიკალურ მოთხოვნებში გამოიხატა.