ბრაიტონი მანჩესტერს ნახევარმცველს არ ატანს.
ფაბრიციო რომანოს ინფორმაციით, მანჩესტერ იუნაიტედმა ბრაიტონს კამერუნელი საყრდენი ნახევარმცველის, კარლოს ბალებას თაობაზე ოფიციალური შეთავაზება გაუკეთა.
თუმცა, ბრაიტონს ფეხბურთელის გაყიდვა არ სურს და მანჩესტერს ამის შესახებ ამცნო - კლუბი ბალებას ფასსაც კი არ ადებს, რადგან ერთადერთი მიზანი - კამერუნელის შენარჩუნებაა.
მანჩესტერი სიტუაციას ეგუება და უახლოეს პერიოდში, თავის ყურადღებას სხვა საყრდენებზე გადაიტანს, რადგან რუბენ ამორიმს აღნიშნული პოზიციის გაძლიერება სურს.
ბალებას შენარჩუნების სურვილი ბრაიტონის მთავარმა მწვრთნელმა, ფაბიან ჰურცელერმაც დაადასტურა: "ძალიან, ძალიან თავდაჯერებული ვარ, რომ ბალება ჩვენთან დარჩება."
