ლა ლიგის ფინანსური წესების დაკმაყოფილებისთვის, ბარსელონას იმედი აქვს, რომ შვიდ ფეხბურთელს გაასხვისებს.
კატალონიელებმა ამ ზაფხულს ესპანიოლის მეკარე ჟოან გარსია დაიმატეს და ასევე, ახლოს არიან ბილბაოს შემტევის, ნიკო უილიამსის დამატებასთან.
Mundo Deportivo-ს ინფორმაციით, ლა ლიგის ფინანსურ წესებში ჩასატევად კატალონიელებს იმედი აქვთ, რომ გუნდს მარკ ანდრე ტერ შტეგენი, ანსუ ფატი, პაუ ვიქტორი, პაბლო ტორე, ინაკი პენია, ანდრეას კრისტენსენი და ორიოლ რომეუ დატოვებენ.
ყველაზე რთული გერმანელი მეკარის წასვლა იქნება, რომელსაც ბარსელონაში დარჩენა სურს და მხარეები კონტრაქტის გაწყვეტაზე ვერ თანხმდებიან.
ამ ეტაპზე ყველაზე ახლოს წასვლასთან ანსუ ფატია, რომელიც დიდი ალბათობით იჯარითა და გამოსყიდვის უფლებით მონაკოში გადავა.
