იტალიელი სპორტული ჟურნალისტის, ფაბრიციო რომანოს ინფორმაციით, ნიკო უილიამსი და ბარსელონა პირადი კონტრაქტის დეტალებზე შეთანხმდნენ.
ესპანელი შემტევი მზადაა ბარსასთან 6-წლიანი კონტრაქტი გააფორმოს (2031 წლამდე), მისი ანაზღაურება კი სეზონში 7-8 მილიონი ევრო იქნება, გადასახადების შემდეგ.
ბარსელონა ახლა მუშაობს ფინანსურ დეტალებზე, რათა ატლეტიკს შეუთანხმდეს და ტრანსფერი დახუროს.
კატალონიელები ნიკოს დამატებას გასულ ზაფხულსაც ცდილობდნენ, თუმცა ტრანსფერი არ შედგა და უილიამსი ბილბაოში დარჩა.
