ლივერპულის ოფიციალური გვერდის განცხადებით, კლუბმა ლევერკუზენთან ფლორიან ვირცის ტრანსფერთან დაკავშირებით შეთანხმებას მიაღწია.
22 წლის გამთამაშებელმა სამედიცინო შემოწმების გავლის შემდეგ, წითლებთან გრძელვადიანი კონტრაქტი გააფორმა.
ვირცი არნე სლოტის გუნდის უახლესი დანამატია, რომელიც ლევერკუზენში თავის ყოფილ თანაგუნდელ ჯერემი ფრიმპონგთან გაერთიანდა.
"ძალიან ბედნიერი და ამაყი ვარ. ამ მომენტს დიდხანს ველოდებოდი." - განაცხადა გერმანელმა კონტრაქტის გაფორმების შემდეგ.
ვირცის ტრანსფერი ლივერპულის ისტორიაში რეკორდულია. მერსისაიდელები ლევერკუზენს ბონუსების ჩათვლით 150 მილიონ ევროზე შეუთანხმდნენ.
