ნიკოლოზ ბასილაშვილმა შანხაის მასტერსის (1000-ქულიანი ტურნირი) ძირითად ბადეში თამაშის უფლება მოიპოვა.
საკვალიფიკაციო ეტაპის 1/2 ფინალში რთული 3-სეტიანი გამარჯვების შემდეგ, ფინალურ შეხვედრაში 24 წლის კანადელ ლაიამ დრაქსლთან ასევე მძიმე ბრძოლის შედეგად მოიგო.
მსოფლიოს 219-ე ჩოგანმა კანადელმა პირველი პარტია 7:5-ით დახურა, მეორე სეტში კი ბასილაშვილის ჩაწოდებაზე 3 მატჩ-პოინტი ვერ გამოიყენა, რის შემდეგაც უპირატესობა ნიკას მხარეს გადავიდა - 5:7; 7:5; 6:3.
შედეგად, ქართველი ჩოგბურთელი შანხაის მასტერსის მთავარ ეტაპზე გავიდა და 1/64 ფინალში მისი მეტოქე ოდნავ მოგვიანებით დაზუსტდება.
შანხაის მასტერსზე პირველ ნომრად განთესილი მიმდინარე სეზონში დიდი სლემის ორგზის ჩემპიონი, ალექსანდრ ზვერევია, მეორე ნომერი კარლოს ალკარასია, ხოლო მესამე - US Open-ის წლევანდელი ფინალისტი, ბენ შელტონი.
