ბასილაშვილის უიღბლო მატჩი შანხაის მასტერსზე

ნიკოლოზ ბასილაშვილმა შანხაის მასტერსზე გამოსვლა დაასრულა.

საკვალიფიკაციო ეტაპზე ორი რაუნდის გავლის შემდეგ, ძირითადი ბადის პირველსავე შეხვედრაში ვეტერან ფრანგ ადრიან მანარინოსთან დამარცხდა.

ჩატარებულ 13 გეიმში ნიკას 23 უნებლიე შეცდომა ჰქონდა და, როგორც გაირკვა, ეს მარცხენა ფეხის მუხლის დაზიანების შედეგი იყო, რის გამოც თამაში საერთოდ ვერ ჩაამთავრა - 3:6; 2:2-ზე შეწყვიტა და მანარინო 1/32 ფინალში გავიდა.

ქართველმა ჩოგბურთელმა შანხაიში გასულ წელს მოპოვებული ქულები მაინც დაიცვა, რადგან 2025-ის ტურნირზე ამავე წრეში დამარცხდა - 2014 წლის US Open-ის ჩემპიონ ხორვატ მარინ ჩილიჩთან.

ცნობისთვის, შანხაის მასტერსზე პირველ ნომრად განთესილი მიმდინარე სეზონში დიდი სლემის ორგზის ჩემპიონი, ალექსანდრ ზვერევია, მეორე ნომერი კარლოს ალკარასია, ხოლო მესამე - US Open-ის წლევანდელი ფინალისტი, ბენ შელტონი.

ბასილაშვილის წარმატება შანხაის მასტერსზე