ბეილი: "მბაპე? ალონსოს სწორი ბალანსის პოვნა მოუწევს"

გარეტ ბეილმა მადრიდის რეალში კილიან მბაპეს როლზე ისაუბრა.

„კილიანი კვლავ აგრძელებს გოლების გატანას და კარგი რაღაცების კეთებას, უბრალოდ გუნდმა ამ სეზონში ვერაფერი ვერ მოიგო. 

რეალში შენგან ყოველთვის გამარჯვებებს ელოდებიან, რაც ადვილი ნამდვილად არ არის. აშკარაა, ის მოედანზე იხარჯება, თუმცა, ალბათ ვერ ექმნება იმდენი მომენტი, რამდენსაც ისურვებდა.

ჩაბი ალონსოს იდეალური ბალანსის მოძებნა მოუწევს: პრესინგი, მაქსიმუმის აღება მისი შემტევი პოტენციალიდან და ამავდროულად, კილიანის ენერგიის დაზოგვა საკვანძო ეპიზოდებისთვის. ამის დალაგება მარტივი არ იქნება. მე არ ვისურვებდი მის გაკრიტიკებას და თქმას, რომ წარუმატებელი სეზონი გამოვიდა.

თუმცა, რა თქმა უნდა, მისი სახელისა და კლუბის მოთხოვნების გათვალისწინებით, ყოველთვის უფრო მეტის მოლოდინი არსებობს." - აღნიშნა უელსელმა.