ჭადრაკი - მერი არაბიძემ მსოფლიო თასის საგზური მოიპოვა

ქართველმა ქალმა დიდოსტატმა, მერი არაბიძემ მსოფლიო თასზე ასპარეზობის უფლება მოიპოვა.

ბათუმში გამართულ ევროპის ჩემპიონატზე, არაბიძემ 11 ტურში 7.5 ქულა მოაგროვა და მე-9 ადგილი დაიკავა, რაც მსოფლიო თასის საგზურის მომტანია.

აღსანიშნავია, რომ ქართველი დიდოსტატი ევროპის ჩემპიონატის თითქმის მთელი ტურნირის განმავლობაში ლიდერთა სამეულში იყო და მომავალი ჩემპიონიც დაამარცხა.

რაც შეეხება ნახსენებ ჩემპიონს, ის 15 წლის უკრაინელი, ანასტასია ჰნატიშინი გახდა.

ფოტო: საქართველოს ჭადრაკის ფედერაცია