ჩელსი ბორნმუთის ვარსკვლავ ალექს სკოტს აკვირდება - ლონდონელები ნახევარდაცვის განახლებას გეგმავენ
ჩელსიმ ბორნმუთის ნახევარმცველის, ალექს სკოტის მიმართ ინტერესი გაამძაფრა. მოსალოდნელია, რომ ზაფხულის სატრანსფერო ფანჯრის დროს 22 წლის ფეხბურთელისთვის ნამდვილი აუქციონი გაიმართება.
სკოტი მიმდინარე სეზონის ერთ-ერთი მთავარი აღმოჩენაა, რამაც ნოემბერში ინგლისის ნაკრებში მისი დებიუტიც განაპირობა. ბორნმუთი ფეხბურთელის სანაცვლოდ 50 მილიონ ფუნტ სტერლინგზე გაცილებით მეტს მოითხოვს, იმის გათვალისწინებით, რომ 2023 წელს ის ბრისტოლ სიტიდან 25 მილიონად შეიძინეს.
ჩელსის ინტერესი ნახევარდაცვაში მოსალოდნელ ცვლილებებს უკავშირდება. კლუბში არ გამორიცხავენ ენცო ფერნანდესის გაყიდვას, რომელიც ბოლო დროს სკანდალური ინტერვიუების გამო შემადგენლობიდან ამოვარდა. არგენტინელი ნახევარმცველის მიმართ ინტერესს რეალ მადრიდი იჩენს.
მიუხედავად იმისა, დარჩება თუ არა ენცო გუნდში, ალექს სკოტის ტრანსფერი ლონდონელებისთვის მაინც პრიორიტეტულია, რადგან მას ზაფხულის ერთ-ერთ ყველაზე მოთხოვნად მოთამაშედ მიიჩნევენ.
