საქართველოს ნაკრები ერთა ლიგის მორიგ შეხვედრას ბელფასტში, ჯგუფის ლიდერ ჩრდილოეთ ირლანდიის ნაკრებთან გამართავს.
შეხვედრას სრულად ავსტრიული სამსაჯო ბრიგადა მოემსახურება - არბიტრი იქნება სებასტიან გიშამერი, რომელსაც მოედანზეც და VAR-ის ოთახიდან თანამემემულეები დაეხმარებიან.
38 წლის გიშამერის სამსაჯო კარიერა 2004 წლიდან იწყება, 2023-24 წლების სეზონიდან კი უეფა-ს პირველი კატეგორიის სტატუსი აქვს. მას შემდეგ, ძირითადად, ევროპა ლიგისა და კონფერენს ლიგის მატჩებს სჯის, გასულ წელს კი დებიუტი ჩემპიონთა ლიგაზე ჰქონდა, როცა ყარაბაღისა და ჩელსის თამაშზე იმუშავა. სანაკრებო ფეხბურთში მისთვის მე-5 თამაში იქნება.
მსაჯობის გარდა, პროფესიით სამოქალაქო ინჟინერია და დაგეგმარებისა და არქიტექტურის კომპანიას ხელმძღვანელობს. ფლობს წილს უძრავი ქონების რამდენიმე კომპანიაში.
ჩრდილოეთ ირლანდიისა და საქართველოს ნაკრებთა შეხვედრა 5 ოქტომბერს, ჩვენი დროით 22:45 საათიდან დაიწყება. პირდაპირი რეპორტაჟი პირველ არხზეა.
რა განრიგი აქვს მატჩისწინა დღეს ნაკრებს ბელფასტში?
