დამთხვევა და მნიშვნელოვანი სტატისტიკა, რომლებიც გუნდებს აერთიანებს

2 ოქტომბერს, საქართველოს ნაკრები ერთა ლიგის მე-3 ტურში უნგრეთს სტუმრად, 67 000-იანი ტევადობის პუშკაშ არენაზე ხვდება.

ორი ტურის შედეგებით, უნგრელებსა და ჩვენებს იდენტური ქულათა და გოლების მაჩვენებელი აქვთ - 1 ქულა და გოლი არც ერთს გაუტანია.

თუ საქართველო ჩრდილოეთ ირლანდიასთან 0:1 დამარცხდა და უკრაინასთან ნულოვანი ფრე ითამაშა, უნგრელებმა უკრაინასთან შინ 0:1 წააგეს და ბრიტანელებს გასვლაზე უგოლოდ დაშორდნენ. სხვაობა ისაა, რომ ჯვაროსნებმა ორივე შეხვედრა საკუთარ მოედანზე ჩაატარეს, უნგრელებმა კი - შინ და სტუმრად.

ნიშანდობლივია გამოუყენებელი შანსების სტატისტიკაც - აღნიშნულ ორ მატჩში საქართველოს ნაკრებს ჯამურად 2.67 XG ჰქონდა, ხოლო უნგრეთს - 3.17.

ერთა ლიგის B2 ჯგუფს უკრაინა და ჩრდილოეთ ირლანდია 4-4 ქულით ლიდერობენ, უნგრეთსა და საქართველოს კი თითო-თითო ქულა აქვთ.

უნგრეთისა და საქართველოს ნაკრებთა შეხვედრა 2 ოქტომბერს, ჩვენი დროით 22:45 საათიდან დაიწყება. პირდაპირი რეპორტაჟი პირველ არხზეა.