დანა უაითმა ოთხი საოცნებო ბრძოლა დაასახელა - სიაში ილია თოფურიაც მოხვდა

UFC-ის პრეზიდენტმა დანა უაითმა Bleacher Report-თან საუბრისას ოთხი ბრძოლისგან შემდგარი საოცნებო ქარდი შეადგინა.

უაითმა აღნიშნა, რომ მისთვის საინტერესოა ისეთი დაპირისპირებები, რომელთა გამართვაც რეალურად შესაძლებელია და არა ბრძოლები, რომლებიც მხოლოდ ფანტაზიის დონეზე რჩება.

დანა უაითის საოცნებო ქარდი ასე გამოიყურება:

ილია თოფურია - პედი პიმბლეტი

პიოტრ იანი - შონ ო'მალი 2

ტომ ასპინალი - ჯონ ჯონსი

ჯოშ ჰოკიტი - ალექს პერეირა

განსაკუთრებული ყურადღება უაითმა ქართველ მებრძოლ ილია თოფურიასა და პედი პიმბლეტის შესაძლო დაპირისპირებას დაუთმო.

„პედი პიმბლეტისა და ილია თოფურიას ბრძოლა ძალიან დიდი მოვლენა იქნება. ეს დაპირისპირება ლოგიკურია, მისი გამართვა შესაძლებელია და აუცილებლად უნდა შედგეს. სწორედ ასეთ ბრძოლებზე მიყვარს საუბარი“, - განაცხადა უაითმა.

UFC-ის პრეზიდენტმა ასევე აღნიშნა, რომ სიამოვნებით იხილავდა ჯონ ჯონსის დაბრუნებას, მიუხედავად იმისა, რომ ამერიკელი მებრძოლი, მისი თქმით, კარიერას უკვე დასრულებულად მიიჩნევს.