დანიური გაკვეთილი: რატომ სჭირდება იბერიას სავსე ტრიბუნები

Football Meets Data-ს განახლებული პროგნოზი საქართველოს ჩემპიონისთვის საკმაოდ პესიმისტურია. 

კოპენჰაგენთან სტუმრად განცდილი მარცხის შემდეგ იბერია 1999 კონფერენსლიგის სატურნირო ცხრილში 1 ქულით 29-ე ადგილზე დაეშვა. 

ანალიტიკოსების შეფასებით, ქართული კლუბის პლეი ოფში გასვლის შანსი 8.4-დან 5 პროცენტამდე დაეცა, მოსალოდნელი ქულების რაოდენობა კი მხოლოდ 2.7 არის. 

დანიაში გამართულმა შეხვედრამ კიდევ ერთხელ ნათლად დაგვანახა, თუ რამხელა ძალა აქვს სავსე ტრიბუნებს. კოპენჰაგენს საკუთარი ქომაგების უდიდესი მხარდაჭერა ჰქონდა, რამაც მათ გამარჯვებაში მნიშვნელოვანი როლი ითამაშა. ახლა კი ჯერი ჩვენზეა! 26 ნოემბერს თბილისს ესპანური ხეტაფე ეწვევა. 

მკაცრი სტატისტიკისა და მძიმე პროგნოზების ფონზე, მოედანზე მე-12 მოთამაშის ფაქტორი გადამწყვეტი იქნება. თუ გვინდა, რომ ევროპული გაზაფხულის იმედი არ გადაიწუროს და ამ მინიმალური 5-პროცენტიანი შანსით ვისარგებლოთ, სტადიონზე მისვლა თითოეული ქომაგის ვალია. იბერიას ახლა ყველაზე მეტად სჭირდება ქართველი გულშემატკივრის ხმა და თანადგომა, რათა ესპანური კლუბის წინააღმდეგ სასწაულის შემოქმედი გახდეს.