რონდა როუზი ჯინა კარანოს წინააღმდეგ - ბრძოლა ოფიციალურად შეთანხმებულია.
ბრძოლა 16 მაისს, კალიფორნიაში, ქალაქ ინგლვუდში გაიმართება. პირდაპირ ეთერი ნეტფლიქსზე იქნება, ღონისძიების პრომოუტერი კი MVP (ჯეიკ პოლის ორგანიზაცია) არის. ეს იქნება MMA-ის პირველი ღონისძიება, რომელიც პირდაპირ ეთერში გადაიცემა ნეტფლიქსზე. ასევე, ეს MVP-ის პირველი MMA ღონისძიება არის.
რონდა როუზი და ჯინა კარანო ქალთა MMA-ის ისტორიაში ორი უდიდესი სახელია. ორივე მათგანი პენსიიდან ბრუნდება ამ საოცნებო ბრძოლისთვის. ბრძოლა 145 ფუნტ წონაში, ხუთი 5-წუთიანი რაუნდით, ჰექსაგონში (ექვსკუთხედ რინგში) გაიმართება.
39 წლის როუზი MMA-ის ისტორიაში ერთ-ერთი ყველაზე გავლენიანი სპორტსმენია. ძიუდოში ოლიმპიური მედალოსანი, რომელმაც თავისი ნიჭი პროფესიონალურ ბრძოლაში ელვისებურ წარმატებად აქცია, ისტორიულად მნიშვნელოვანი როლი შეასრულა იმაში, რომ დანა უაითს ქალებისთვის UFC-ში ასპარეზობის კარი გაეხსნა.
43 წლის კარანო როუზის გამოჩენამდე ქალთა MMA-ის ისტორიაში ყველაზე დიდი ვარსკვლავი იყო. 2007 წელს მან და ჯული კეჯიმ მონაწილეობა მიიღეს ქალთა პირველ ბრძოლაში, რომელიც Showtime-ზე ტელევიზიით გადაიცემოდა.
კარანო არიერის ერთადერთი მარცხის შემდეგ MMA-დან პენსიაზე გავიდა და მსახიობობაში გადაინაცვლა, სადაც როლები მრავალ ცნობილ კინოფრანშიზაში მიიღო, მათ შორის „Fast & Furious“, Marvel-ისა და „Star Wars“-ის პროექტებში.
ღონისძიების სხვა ბრძოლები უახლოეს კვირებში გამოცხადდება.
