საქართველოს შერეული საბრძოლო ხელოვნების (MMA) ნაკრებმა ევროპის ჩემიონატზე ასპარეზობა 21 მედლით დაასრულა.
სერბეთის დედაქალაქ ბელგრადში გამართულ შერეული საბრძოლო ხელოვნების ევროპის ჩემპიონატზე, საქართველოს ახალგაზრდული და ეროვნული გუნდები გამოვიდნენ და 2 ოქროს, 11 ვერცხლისა და 8 ბრინჯაოს მედალი მოიპოვეს.
უმცროსი ასაკის სპორტსმენებს შორის, ევროპის ჩემპიონობა სინან მამედოვმა (52 კგ,) და ელენე გლურჯიძემ (47,6 კგ,) იზეიმეს.
ასაკობრივ კატეგორიაში ვიცე-ჩემპიონები ღვთისო კვიციანი (52.2 კგ.), გიორგი პირველი (65.8 კგ.), გეგა კორძაია (48 კგ.), ლუკა ბერიძე (40 კგ.), ნოდარ ნოზაძე (57 კგ.) და შამილ მაგამედოვი (31 კგ.) გახდნენ, ხოლო თორნიკე ბაქრაძემ (52.2 კგ.), დიტო ანთიამ (88.4 კგ.), საბა ბაკურაძემ (97 კგ.), ლაშა რეხვიაშვილმა (52 კგ.), დავით ნინიაშვილმა (57 კგ.), ბესარიონ კატშანმა (62 კგ.), ცოტნე ბიზიკაშვილმა (44 კგ.) და ცოტნე მელაშვილმა (48 კგ.) ბრინჯაოს მედლები მოიპოვეს.
უფროსებს შორის, ვიცე-ჩემპიონი გივი ბერიძე (70.3 კგ.) გახდა, აკაკი გოდერძიშვილმა (97 კგ.), ანა აბრამიშვილმა (56.7 კგ.), ილია ბოკუჩავამ (52.2 კგ.) და მარიამ მედოიძემ (47.6 კგ.) ბრინჯაოს მედლები მოიპოვეს.
