VIDEO: 18 წლის ჩხეტიანის მორიგი გოლი - სამგურალმა მოლდოვის ჩემპიონატის ლიდერთან ფრედ ითამაშა
2 სთ წინ · 0 წთ წასაკითხად
-
Aa
+
ფონტის ზომა
თურქულ შეკრებაზე მყოფმა წყალტუბოს სამგურალმა მოსამზადებელი ეტაპის მე-4 შეხვედრა გამართა.
იმერული კლუბი მოლდოვის ჩემპიონატის ლიდერ პეტროკუბს დაუპირისპირდა და 1:1 ითამაშა. ანგარიში მეტოქემ გახსნა, რასაც საბა ჩხეტიანმა ბოლო წუთებზე უპასუხა.
18 წლის ჩხეტიანმა ზედიზედ მე-3 ამხანაგურ შეხვედრაში გაიტანა - უზბეკურ კლუბებთან, ლოკომოტივ ტაშკენტთან და სურხონთანაც გამოიჩინა თავი.
დღევანდელ მატჩამდე, უშუალოდ თურქულ შეკრებაზე, იმერლებმა სომხურ ალაშკერტსა (3:1) და უზბეკურ ლოკომოტივ ტაშკენტს (2:0) მოუგეს, ხოლო უზბეკურ სურხონთან (1:2) დამარცხდნენ.
მომდევნო მოსამზადებელ თამაშს, 19 თებერვალს, ყაზახურ ულიტაუსთან გამართავენ.
გიორგი ონიანის გუნდი ეროვნული ლიგის 2026 წლის სეზონს 2 მარტს, გაგრასთან გასვლითი შეხვედრით იწყებს.
