საქართველოსთან მატჩამდე მასპინძლებმა ძირითადი შემადგენლობის მნიშვნელოვანი ფეხბურთელი დაკარგეს.
უეფას ერთა ლიგის მესამე ტურის მატჩის წინ, სადაც ჯვაროსნები უნგრეთს ესტუმრებიან, ცნობილი გახდა, რომ შეხვედრას ბენდუგუზ ბოლა გამოტოვებს.
ვენის რაპიდის 26 წლის მარჯვენა მცველმა დაზიანება ერთა ლიგის მეორე ტურში, ჩრდილოეთ ირლანდიის წინააღმდეგ მიიღო და მოედანი 34-ე წუთზე დატოვა.
ჩატარებული სამედიცინო გამოკვლევების შედეგად ირკვევა, რომ ფეხბურთელს კოჭ-წვივის სახსრის იოგების დაჭიმულობა აქვს და საქართველოს ნაკრებთან მატჩამდე გამოჯანმრთელებას ვერ მოასწრებს.
შეგახსენებთ, რომ უნგრეთისა და საქართველოს ეროვნული ნაკრებების დაპირისპირება 2 ოქტომბერს გაიმართება და თბილისის დროით 22:45 საათზე დაიწყება.
