დუდუ დადიანის ტურნირი ახლოვდება - შეცვლილი ფორმატი და სიახლეები

საქართველოში 2026-2027 წლების საკალათბურთო სეზონი ტრადიციული დუდუ დადიანის მემორიალური ტურნირით გაიხსნება.

საქართველოს კალათბურთის ეროვნული ფედერაციის ვიცე-პრეზიდენტის ხსოვნისადმი მიძღვნილი შეჯიბრება სტარტს 20 სექტემბერს, რუსთავის სპორტის სასახლეში აიღებს.

წლევანდელ გათამაშებაში რეკორდულად მცირე რაოდენობის გუნდი, მხოლოდ 4 მონაწილე იასპარეზებს: რუსთავი, კსუ, თელავი და ახალციხე. წილისყრის შედეგად გუნდები ნახევარფინალებში შემდეგნაირად დაწყვილდნენ:

ახალციხე vs თელავი - 20 სექტემბერი, 13:00
რუსთავი vs კსუ - 20 სექტემბერი, 16:30

ტურნირს სხვა სიახლეც აქვს. ისტორიაში პირველად, გაიმართება მატჩი მე-3 ადგილისთვის, რომელიც 22 სექტემბერს, 16:30 საათზე ჩატარდება, ხოლო მთავარი ფინალური შეხვედრა იმავე დღეს, 19:00 საათზე გაიმართება.

ცნობისთვის, დუდუ დადიანის მემორიალის ბოლო ორი გათამაშების გამარჯვებულია ვიქტორ სანიკიძის აკადემიის გუნდი, რომელიც გასული სეზონიდან თელავის სახელით ასპარეზობს.