გოგა და სანდრო ერთად ლეიკერსში?

ამერიკული გამოცემა Heavy.com ლოს ანჯელეს ლეიკერსს გოგა ბითაძის დამატებას ურჩევს.

გამოცემის შეფასებით, კალიფორნიელებმა შესაძლოა დალტონ კნეხტი გაასხვისონ და მის პოტენციურ შემცვლელად ქართველი ცენტრი განიხილონ.

როგორც სტატიაშია აღნიშნული, ბითაძე პარკეტზე შოუს არ დგამს, თუმცა ის მყარი ფუნდამენტის მქონე კალათბურთელია, რომელიც სამწამიან ზონაში ძალისმიერად თამაშობს, ბლოკებს კარგად აყენებს და შესანიშნავი დამცველია.

გასულ სეზონში, მოედანზე საშუალოდ 15.2 წუთის განმავლობაში, ის ერთ დაფარებასა და 5 მოხსნას აგროვებდა, ხოლო შეტევაში სროლის სიზუსტის კარიერული რეკორდი, 67.6 პროცენტი დააფიქსირა.

შეგახსენებთ, რომ მიმდინარე სეზონის დაწყებამდე ლეიკერსმა თავისუფალი აგენტის სტატუსით საქართველოს ნაკრების კიდევ ერთი წევრი, სანდრო მამუკელაშვილი დაიმატა.