დილა გორის მეკარემ, დავით კერესელიძემ, სან მარინოს კლუბ ვირტუსთან ორმატჩიან დუელში გამარჯვების შემდეგ, შეფასებები გააკეთა.
"ძალიან მძიმე თამაში გამოვიდა. უკეთ თამაში შეგვეძლო, მაგრამ მთავარია, რომ შემდეგ ეტაპზე გავედით.
აპოლონის სახით, მომდევნო რაუნდში ბევრად ძლიერი მეტოქე გვყავს. მოვემზადებით, ვნახავთ მათ თამაშებს და ანალიზს გავუკეთებთ, ჩვენს შეცდომებზეც ვიმუშავებთ და მათთან დაპირისპირებებს პოზიტიურად შევხვდებით", - აღნიშნა კერესელიძემ.
დილას მეკარეს ვირტუსთან დღევანდელ თამაშში 9 სეივი ჰქონდა და მოედანზე საუკეთესო ფეხბურთელი იყო. სან მარინოელებმა ერთადერთი გოლი 92-ე წუთზე, კუთხურის გათამაშების შემდეგ, გაიტანეს.
შიდა ქართლურმა კლუბმა, ორი მატჩის ჯამში, 3:2 გაიმარჯვა და შემდეგ ეტაპზე კვიპროსულ აპოლონს შეხვდება. პირველი თამაში გორშია (23 ივლისს), ხოლო საპასუხო - კვიპროსზე (30 ივლისს).
ფოტო: დილა გორი
VIDEO: კერესელიძის 9 სეივი - დილა სან მარინოში დამარცხდა, მაგრამ შემდეგ ეტაპზეა
