ძირითად ბადეშია - ბასილაშვილი რომის მასტერსზე ითამაშებს

ნიკოლოზ ბასილაშვილმა რომის მასტერსის საკვალიფიკაციო ეტაპი წარმატებით დასძლია და ძირითად ბადეში ითამაშებს.

შესარჩევის პირველ რაუნდში ემლერ მოელერი რთულ 3-სეტიან ბრძოლაში დაამარცხა, გადაწყვეტი მატჩი კი გაცილებით ადვილად მოიგო.

ქართველი ჩოგბურთელის მეტოქე მსოფლიოს 96-ე ჩოგანი, იაპონელი რინკი ჰიიკატა იყო - ნიკამ საკუთარ ჩაწოდებაზე ბრეიკ-პოინტიც არ მისცა, მისი მოწოდება კი 3-ჯერ მოიგო და თამაში 6:3; 6:2-ით დახურა.

ძირითად ბადეში, 1/64 ფინალურ ეტაპზე, ბასილაშვილი ესპანელ დანიელ მერიდა აგილარს შეხვდება. მატჩის ფავორიტად ითვლება მსოფლიოს 86-ე ჩოგანი აგილარი, რომელმაც ასევე კვალიფიკაციის 2 რაუნდი გაიარა.