იბერია 1999-ისა და სენტ-ტრუიდენის კონფერენს ლიგის მატჩის წინ გამართულ პრესკონფერენციაზე, აჭარაბეთ არენას ჟურნალისტების შეკითხვებს იბერია 1999-ის მცველმა, ვაჰიდ სელიმოვიჩმა უპასუხა.
საერთაშორისო დონეზე ასპარეზობის დიდი გამოცდილების მქონე ფეხბურთელმა ევროთასებზე ქართული კლუბის ღირსების დაცვის მნიშვნელობასა და ემოციებზე ისაუბრა.
სელიმოვიჩმა აღნიშნა:
ეჭვგარეშეა, ეს დიდი შესაძლებლობაა ქართული ფეხბურთისა და იბერიასთვის. ჩვენ გვსურს საქართველო საუკეთესო კუთხით წარმოვაჩინოთ. ეს არის შესანიშნავი შანსი ახალგაზრდა ფეხბურთელებისთვის, რათა დაამტკიცონ, რომ ევროპულ დონეზე თამაში შეუძლიათ, ჩემთვის კი ეს ასევე ახალი გამოცდილებაა და ძალიან ბედნიერი ვარ, რომ იბერიასთან ერთად ამ ყველაფრის ნაწილი ვარ.
