უეფა-ს კონფერენს ლიგის მატჩის წინ, რომელიც სენტ-ტრუიდენისა და თბილისის იბერია 1999-ის შორის გაიმართება, აჭარაბეთ არენას ჟურნალისტებმა ექსკლუზიური კომენტარები მოიპოვეს.
პრესკონფერენციაზე ქართული კლუბის მთავარმა მწვრთნელმა, ლევან კორღალიძემ გუნდში არსებულ ვითარებაზე, საკადრო მდგომარეობასა და სამომავლო გეგმებზე ისაუბრა.
მთავარმა მწვრთნელმა აღნიშნა:
ჩემთვის ეს კლუბი არ არის უცხო. მე ერთი თვეა, რაც კლუბში ვარ, მაგრამ მე მესამედ დავბრუნდი აქ და ზუსტად ამან გამიადვილა სამწვრთნელო პროცესი. ბედნიერი ვარ, რომ ისევ იბერიას მთავარი მწვრთნელი ვარ და ესეთი მაღალი რანგის ტურნირზე წარმოვადგენ გუნდს. დიდი იმედი მაქვს, რომ ამ კლუბთან ერთად არაერთ წარმატებას მივაღწევთ.
საკადრო სიახლეებსა და ფეხბურთელების ფიზიკურ კონდიციებზე საუბრისას მწვრთნელმა დაადასტურა, რომ ბედოშვილი ტრავმის გამო გუნდთან ერთად არ იმყოფება, ხოლო ბართიშვილის მდგომარეობა იმედისმომცემია:
რაც შეეხება ბართიშვილს, რა თქმა უნდა, ძალიან დიდი ძალაა ჩვენი გუნდისთვის. უბრალოდ, ერთი კვირაა, რაც გუნდთან ერთად ვარჯიში დაიწყო და ითამაშებს თუ არა, დღევანდელი და ხვალინდელი დღის შემდეგ გადავწყვიტავთ იქნება სასტარტოში, შეცვლაზე ან საერთოდ თუ შეძლებს მოედანზე გამოსვლას.
მიმდინარე სეზონში გუნდის მთავარ მიზნებზე დასმულ კითხვაზე მწვრთნელმა განმარტა:
პირდაპირ გეტყვით, რომ სამომავლოდ გეგმებს მე პირადად არ ვწყვეტ. ჩვენი პრიორიტეტი და ჩემი, როგორც მწვრთნელის გეგმა არის ყველა მომდევნო თამაშის თამაში, ბრძოლა გამარჯვებისთვის და ქულებისთვის, როგორც კონფერენს ლიგაზე, ისე ეროვნულ ლიგაში.
