უზბეკეთის დედაქალაქ ტაშკენტში ძიუდოს გრან სლემი გაიმართა.
აღნიშნულ ტურნირზე საქართველოს 15 წარმომადგენელი გამოვიდა, საიდანაც მედალი ერთადერთმა, ლაშა ბექაურმა მოიპოვა.
ორგზის ოლიმპიურმა ჩემპიონმა პირველ დაპირისპირებაში რუმინელი ალექს კრეტი დაამარცხა, შემდეგ უზბეკ ბობონოვს მოუგო, ნახევარფინალში კი კორეელ კიმთან მოგებით გავიდა.
ნახევარფინალურ დაპირისპირებაში ქართველის მეტოქე იაპონელი რიკუ ოკადა იყო, რომლის ბარიერიც ასევე გაიარა, ფინალში კი აზერბაიჯანელ მურად ფატიევთან დამარცხდა.
საქართველომ ტაშკენტის გრან სლემზე 1 ვერცხლის მედალი მოიპოვა და ამ შედეგით საერთო ჩათვლაში მე-10 ადგილზე გავიდა. ტურნირი პირველ ადგილზე იაპონიამ დაასრულა, რომლის მონაგარიც 4 ოქროს, 3 ვერცხლისა და 7 ბრინჯაოს მედალი იყო.
