"ეს კარგი იქნებოდა" - უმარმა მერაბთან კიდევ ერთხელ ჩხუბის სურვილი გამოთქვა

უმარ ნურმაგომედოვს ჟურნალისტებმა მერაბ დვალიშვილთან კიდევ ერთხელ ჩხუბის შესახებ ჰკითხეს, რასაც დადებითი რეაქციით შეხვდა და ბრძოლის სურვილიც გამოთქვა.

"ეს ძალიან საინტერესო ბრძოლა იქნება გულშემატკივრებისთვის და UFC-სთვის. თუმცა, დიდხანს ლოდინი არ მინდა. მინდა, აქტიური ვიყო და ვნახოთ, რას მოითხოვს UFC. მერაბისა და იანის ბრძოლის შემდეგ ვნახოთ. თუ შესაძლებელია, მინდა, იანვარში ან თებერვალში ვიჩხუბო.

თუ მას ჰკითხავთ, ვფიქრობ, გიპასუხებთ: "მან 10-ჯერ უნდა იბრძოლოს, სანამ 10-ჯერ არ მოიგებს"? რა შემიძლია ვთქვა ამაზე? ეს უბრალოდ მისი აზრი იქნება, მისი აზრი და შეუძლია თქვას, რაც უნდა, მაგრამ რეალობა განსხვავებული იქნება", - აღნიშნა უმარმა პრესკონფერენციისას.

დვალიშვილმა ნურმაგომედოვი 2025 წლის იანვარში, UFC 311-ზე, მსაჯების გადაწყვეტილებით დაამარცხა. უმარისთვის პროფესიონალურ კარიერაში პირველი წაგება იყო.