"ეს თუ არ გამოსწორდა, გაგვიჭირდება" - დემჩენკომ პრობლემაზე ღიად ისაუბრა

ლარნესთან ორმატჩიან დუელში გამარჯვების შემდეგ, იბერია 1999-ის მთავარმა მწვრთნელმა, ანდრი დემჩენკომ პრესკონფერენციაზე შეფასებები გააკეთა.

"გილოცავთ ყველას, ქართველი ხალხი ამ წარმატებას 22 წელი ელოდა. ფეხბურთელებს ყოველთვის ვეუბნები, რომ არასდროს დანებდნენ და ამ ფსიქოლოგიურ ასპექტზე ბევრს ვმუშაობთ.

მატჩის მიმდინარეობისას ცოტა ვნერვიულობდი, რადგან კარგად ვთამაშობდით, თავდაჯერებაც არ გვაკლდა, თუმცა გოლი გვიან გავიტანეთ. გუნდის თამაშით კმაყოფილი ვარ. გაჩერებას არ ვაპირებთ, ვეცდებით, ევროპა ლიგის ლიგის ფაზაში მოვხვდეთ. რატომაც არა?!

დატვირთული პერიოდი იწყება - ეროვნული ჩემპიონატი, საქართველოს თასი და ევროტურნირი. კლუბის პრეზიდენტს უკვე ვესაუბრე და ავუხსენი, რომ სამ ტურნირზე სათამაშოდ უფრო ღრმა შემადგენლობა გვჭირდება. დამპირდა, რომ შეეცდება, ახალი ფეხბურთელები მოიყვანოს", - აღნიშნა დემჩენკომ.

გია გეგუჩაძის შემდეგ, ანდრი დემჩენკო ისტორიაში მეორე მწვრთნელია, ვინც ქართული კლუბი ევროტურნირის მთავარ ეტაპზე გაიყვანა.

ევროპა ლიგის საკვალიფიკაციო ეტაპის პლეი-ოფში იბერიელები შოტლანდიურ რეინჯერსსა და პოლონურ იაგელონიას წყვილში გამარჯვებულს შეხვდებიან.

პლეი-ოფის პირველი თამაში სტუმრად 20 აგვისტოსაა, მეორე - 27 აგვისტოს შინ. შესაბამისად, 27 აგვისტოს გვეცოდინება, იბერია ევროპა ლიგის ლიგის ფაზაში ითამაშებს თუ კონფერენს ლიგის ლიგის ფაზაში.

იბერიას კაპიტანმა კრიტიკოსებს მწვავედ უპასუხა