ევრობასკეტ 2025-ის პირველი ნახევარფინალური წყვილი გაირკვა.
ლატვიის დედაქალაქ რიგაში მეორე მეოთხედფინალური მატჩი გაიმართა, სადაც ერთმანეთს ლიეტუვა და საბერძნეთი დაუპირისპირდნენ.
პირველი მეოთხედი ბერძნებმა 5-ქულიანი უპირატესობით მოიგეს (19-24), შესვენებაზე კი გუნდები 6-ქულიანი სხვაობით გავიდნენ (38-44). მესამე მეოთხედში საბერძნეთმა უპირატესობა 12 ქულამდე გაზარდა და ანგარიში 52-64 გახდა, საბოლოოდ კი სპანულისის გუნდმა 11 ქულით იმარჯვა (76-87).
გამარჯვებულ გუნდს იანის ანტეტოკუნმპომ ულიდერა, რომელმაც 32 წუთში 29 ქულა მიითვალა. იონას ვალანჩუნასის ორმაგი დუბლი კი (24 ქულა, 15 მოხსნა) ლიეტუველებისთვის საკმარისი არ აღმოჩნდა.
საბერძნეთი ევრობასკეტის ნახევარფინალში გავიდა, სადაც მისი მეტოქე თურქეთი იქნება, რომელმაც თავის მხრივ პოლონეთი დაამარცხა.
თურქეთმა პოლონეთი დამაჯერებლად დაამარცხა და ევრობასკეტის ნახევარფინალშია
დარჩენილ მეოთხედფინალურ შეხვედრებში გერმანია სლოვენიას დაუპირისპირდება, საქართველო კი ფინეთთან შეეცდება ისტორიის დაწერას.
"თუ ერთ მხარეს მარკანენია, მეორე მხარეს შენგელია-ბითაძე-მამუკელაშვილის ტრიოა“ - FIBA-ს პრევიუ საქართველო-ფინეთზე
